Zbog Filomene je u Madridu pala nezapamćena količina snijega, a temperatura se spuštala i do rekordnih -36 stepeni.

Bio je to prvi snijeg u Madridu za posljednjih 10 godina, a napadalo ga je oko pola metra. Toliko snega glavni grad Španije nije zabilježio u posljednjih 50 godina. Istovremeno je na Gibraltaru za samo dva dana pala mjesečna količina kiše.

Meteorološkinja i kolumnistkinja hrvatskog portala Index Dunja Maz kaže da se posljednjih godina uvrežilo pravilo da se uragani preimenuju i kada kao vantropski cikloni dolaze u Evopu, a imena im daju zemlje koje se prve nađu na njihovom udaru.

– Ali, zvali mi taj ciklon Filomena ili ne, činjenica je da je to isti sistem, iako je u međuvremenu, prolaskom kroz Sredozemlje, doživio nekoliko promjena. On je sada došao do Jonskog i Egejskog mora i nastavlja dalje prema istoku. Tim krajevima, prvenstveno Turskoj, ali i dijelu Grčke, donijeće neuobičajene padavine – kaže Dunja Mraz.

Dodaje da su to relativno neuobičajene situacije za ovaj dio svijeta, ali podsjeća da je posljednjih zima već bilo snažnih oluja koje su donijele nezapamćen snijeg u južne dijelove Evrope, pa i do severa Afrike.

Dunja Mraz navodi da će premještanje ovog ciklonalnog sistema prema istoku sa zapada prouzrokovati povlačenje hladnog vazduha sa sjevera, iz polarnog kruga, prema jugu, i da se taj izrazito hladan ledeni talas očekuje i u Hrvatskoj.