To se radi tako što se ponovi proces koji te namirnice prolaze do nečije trpeze, odnosno one se operu i termički obrade, pa tim se tek onda mJere nivoi prisutnih pesticida. Na vrhu liste ove godine našli su se jagode i zeleno povrće.

 

Prije tačnog navođenja namirnica koje u sebi sadrže pesticide, treba napomenuti da su u pitanju nivoi koji su preniski kako bi uticali na zdravlje ljudi. To naravno ne znači da ne treba voditi računa o tome šta kupujete i da sve namirnice treba dobro oprati prije upotrebe. Kada su u pitanju jagode, koje su ubjedljivo prve na listi, otkriveno je da 90% njih sadrži bar jedan pesticid, dok 30% oko 10 različitih toksina u tragovima.

 

Na drugom mjestu je spanać, a potom slijede kelj, raštan i listovi slačice.

Dalje na listi nalaze se razne vrste voća poput nektarina, jabuka, grožđa i trešanja. Na dnu liste nalaze se još i breskve, kruške, paprike, celer i paradajz. Većina spomenutih namirnica nalazila se na listi i ranijih godina, ali paprike, i ljute i babure, nešto su novo. To je zbog toga što mnogi usjevi ovih namirnica nisu bili testirani u posljednje vrijeme i tek sada se podiže svijest o tome.

 

Ovo istraživanje pravi listu i namirnica koje imaju najmanje pesticida i skoro 70% ovih namirnica nije imalo ni tragove štetnih elemenata. Prvi među „najčistijim“ je avokado, a u vrhu su još i kukuruz, ananas, crni luk i papaja. Posle njih slijede smrznuti grašak, plavi patlidžan, špargle, brokoli i kupus, a na dnu liste su kivi, karfiol, pečurke i razne vrste dinje.