Jedna od namirnica koju najčešće koristimo, samostalno ili za pripremu i slanih i slatkih jela, jeste jaje. Evo kratkog vodiča koji će vam pomoći da ih što bolje spremite i da budu ukusnija:

Svježa jaja imaju grubu i hrapavu ljusku, a bajata glatku i sjajnu.

Bolje je da jaje razbijete o ravnu površinu nego o ivicu posude. Na taj način pukotina će biti manja, a komadići ljuske neće upasti u bjelance.

Brže i lakše ćete ih umutiti ako prvo umutite samo bjelance, a potom i žumance. Osim toga, bjelance će biti bolje umućeno ako ga malo posolite.

Starija se lakše ljušte, pa bi bilo dobro da izbjegavate da kuvate jaja istog dana kada ste ih kupili.

Kuvana jaja ćete lakše oljuštiti ako vodu u kojoj se kuvaju posolite. Kada su skuvana, iz posude prospite vrelu vodu i napunite je hladnom. Dok budete skidali ljusku na njoj neće ostati dio bjelanaca.

Da bi bila meko kuvana, stavite ih u ključalu vodu na dva-tri minuta. Istovremeno, ako ih ubacite u hladnu, posoljenu vodu, računajte da će 10-11 minuta nakon što tečnost proključa jaja biti tvdo kuvana. Ili, ako želite da žumance bude mekše, skratite vrijeme kuvanja na svega devet minuta.